（原圖片來源：Reddit）
正所謂健身健心，除左做GYM之外瑜伽都可以強身健體嘅！外國就有位毛臣POST左佢主人係屋企做瑜伽嘅英姿，又拗腰又挺胸，絕對係有姿勢有實際！
狗瑜伽係咩玩法？
狗瑜伽其實源於外國，致在於提升人同狗狗嘅協調性，某部份狗瑜伽動作會抬住，抱住或者比狗狗踩住黎做，另外一啲就直程同狗狗一齊進行拉筋，所以係需要專業人士去指導，唔係就好容易會整傷狗狗架啦！
狗瑜伽招式
第一式：神咁拜（難度：★★）
（圖片來源：Mailonline）
呢個動作相對黎講比較入門，左腳半腳右腳拉長，然後將主人抬高，好似神咁拜就當合格。
第二式：騎牛牛（難度：★★★）
（圖片來源：Fuzfeed）
跪低，背部攤平，左手升起，比主人騎住。呢個動作難在要主人乖乖咁騎係上面唔郁。
第二式：向後拱橋（難度：★★★★★）
（圖片來源：Fuzfeed）
本身拱橋己經難，重要比主人企係上面，諗起都登條腰痛呀!
狗瑜伽有咩好？
專家話除左可以增加狗狗同主人默契，更加會令狗狗更加健康同長壽！原因係當兩者進行＂人狗合一＂嘅時候，狗狗會減低緊張嘅感覺同埋降壓，心情會更加輕鬆！諗諗下又好似係喎，各位毛臣不妨由第一式開始試下！
