如果捉Pokemon係用精靈球…咁捉貓咪係用咩架啦？原來重簡單，只要一個「方格」，貓咪們就會自己「自投羅網」架啦！呢個捕捉方法絕對係平，靚，正呀。
好簡單，你只需要準備一卷膠紙，然後痴係地下形成一個方格（如上藍色方格），然後坐定準備手機，就可以睇到貓貓自動自覺入去架喇！圖中貓咪嘴藐藐咁，睇黎好似對個方格麻麻地喎。
（From : stephseifert1 ）
點鬼知轉過頭，就自己靜靜雞行左個方格入面喇！果然，貓咪都無辦法抗拒「魔方格」嘅魅力，自動自覺就行左入去。專家話，一個方格嘅空間會比到安全感貓咪，而且佢地都會視為係自己佔領嘅地方，所以咪咁鬼鍾意留係個格入面囉。
（From : jaynehollar）
原來，呢招用黎捕捉狗狗一樣搞得掂！哈哈，以後買咩狗仔床／貓仔床都可以慳番，淨係買卷膠紙痴地下就得！
